Gjilani në kolaps dhe depresion politik e ekonomik

Gjilan – Qytetarët e anketuar mendojnë se Gjilani po stagnon në shumë drejtime. Kuvendi nuk po arrij të mbajë seancë tash e gjashtë muaj ndërsa krekosja dhe injoranca e atyre që duhet të kujdesen për një klimë politike të qëndrueshme po vazhdon.

Në Gjilan investimet janë minimale kurse vet qeverisja komunale është e dobët dhe pa gjak.

Murseli një 46 vjeçar thotë se Gjilani po humb për shkak të injorancës dhe politikanëve te dobët në pushtet.”Është për të ardhur keq kjo situatë dhe vërtet të gjithë jemi të zhgënjyer. Qeverisja duhet të mendojë për qytetin dhe qytetarët e saj e jo të krekoset pa pikë nevoje” shprehet ai.

Edhe Bajrami një 61 vjeçar thotë se është mjerim që një qytet me aq tradite kulturë të ngelet i pazhvilluar.”E kemi një depresion politik dhe një kolaps total në menaxhimin e situatave këtu. Pushteti duhet të kthjellët ose të shkoj në shtëpi” mendon Bajrami.

Liridoni student mendon se qeverisja komunalen nuk ka më kohë për eksperimente.”Koha e eksperimenteve dhe dalldisjes ka përfunduar, ose punoni ose mbylleni atë dreq komune” thotë me ironi Liridoni./rajonipress/