Gjilani në Drenas zhvilloi ndeshjen e saj më të dobët

Skuadra e Gjilanit ishte e detyruar ndeshjen e javës së 12-të ta zhvillon në Drenas në cilësinë e vendasit, për shkak dënimit nga ana e Komisionit Disiplinor pas sulmit ndaj arbitrit anësor Meriton Berishën.

“Minatorët” e Trepcës’89 edhe në javën e parë të garave e kishte mposhtur Gjilanin me rezultat 4=1, ndërsa në këtë javë e mposhti me rezultat 2-0.

Futbollistët e Gjilanit gjatë 90 minutave nuk kanë arritur asnjëherë të rrezikojnë portën e portierit Beqirit, duke zhvilluar një lojë tejet të dobët.

Futbollistët e Trepcës’89, atakuan në portën e Haxhihamzës në minutat 25 e 26 nëpërmjet Manajt e Pirës por ishin të pasuksesshëm.
Rrjedha e kësaj ndeshje ndodh në minutën e 59-të, arbitri Burim Jahmurati nuk akordon penallti për Gjilanin, pasiqë me dorë kishte luajtur mbrojtësi i Trepcës’89 Rron Statovci.

Në kundërsulm në minutën e 60-të, Arb Manaj gjendet bukur në zonë duke e mposhtur Haxhihamzën e Gjilanit, dhe për të kaluar skuadrën e tij në epërsi 0-1.

Pesë minuta më vonë Engjëll Hoti nga 17 metra me goditje të fort e të saktë e detyron Haxhihamzën ta nxjerr topin nga rrjeta e tij.

Pas ndeshjes trajneri i Gjilanit, Gentjan Mezani” i dëshpëruar ka deklaruar.
“Në këtë ndeshje asgjë nuk na shkoi për dore, siç duket futbollistët e mijë i ka kapur euforia e suksesit kësaj edhe ju kam friksuar, na mbetet të përmisohemi pasiqë ka ende shumë ndeshje për tu zhvilluar”.

Gjilani në javën e ardhshme do të takohet me Ferizaj./rajonipress/