Gjilani mposhtet nga Fushë Kosova

Skuadra e Gjilanit ka pësuar humbje nga Fushë Kosova, në duelin e mbetur të xhiros së parë të Superligës së Kosovës në futboll.

Në ndeshjen e zhvilluar në stadiumin “Sami Kelmendi” në Lipjan, Skifterat u mposhtën me rezultatin 2:0.

Të dy golat në këtë takim u shënuan nga Statovci. Ai realizoi nga penalltia në minutën e 39-të për 1:0. Ndërkohë, golin e dytë e realizoi në minutën e 79-të, pas gjuajtjes së saktë me kokë.

Me këtë humbje Gjilani mbetet në pozitën e tetë me tetë pikë të grumbulluara, duke arritur dy fitore, dy barazime e pesë disfata.
Pas pushimit dyjavor për shkak të ndeshjeve të përfaqësueseve, Fushë Kosova luan sërish me Gjilanin, por në udhëtim../rajonipress/