Gjilani mposhtë Ferizajin në “Riza Lushta” në Mitrovicë

Futbollistët e Gjilanit në javën e 13-të, të zhvilluar në stadiumin “Riza Lushta” në Mitrovicë, për shkak të suspendimit nga organet e Komisionit Disiplinorë të FFK-së, ka arritur ta gjunjëzoj skuadrën e Ferizajit me rezultat të thellë 4-0.

Gjilanasit nuk lejuan befasi si një javë me herët kur u mposht nga Trepca’89 dhe me këtë fitore me dy pikë më pak përcjell Ballkanin e Suharekës në tabelën e klasifikimit.

Pas shumë aksioneve të mira në minutën e 24-të, Busic godet shtyllën pingule të portierit të Ferizajit, Armend Blakqorit.

Dy minuta më vonë në atë të 26-të, sulmuesi Fiton Hajdari në zonë nga një pozitë e mirë shënon për 1-0.

Në minutën e 29-të, së pari mbrojtësi Ferreira gjenë bukur Hajdarin i cili nuk e pati vështirë të shënon për 2-0.

Futbollisti kroat Tomisllav Busic në minutën e 33-të, së pari shmangi një mbrojtës të Ferizajit i cili me goditje të saktë gjenë rrjetën e Blakqorit për 3-0.

Qendërsulmuesi Busic në minutën e 38-të, nga afërsia godet shtyllën pingule të Blakqorit.

Ferizajasit të vetmin rast e kishin në minutën e 44-të, Dardan Jashari gjuan bukur por nga vija fatale e portës topin e largon mbrojtësi i Gjilanit, Ferreira.

Futbollisti Fiton Hajdari i cili në këtë ndeshje shkëlqeu shënon edhe golin e tretë të tij personal dhe golin e katërt për skuadrën e tij duke shënuar hat- trick nga penaltia ishte i pa gabuar.

Trajneri i “kuq e bardhëve” të Gjilanit, Gentjan Mezani pas ndeshjes ka deklaruar.
“E zhvilluam edhe një ndeshje si mysafirë pas dënimit dhe kjo fitore është e mirëseardhur në këto momente, zhvilluam një ndeshje të mençur dhe suksesi nuk mungoi, ne do të punojmë edhe më shumë për ta përmirësuar lojën tonë duke e ditur se kemi shumë ndeshje për të zhvilluar”.

Me këtë fitore Gjilani pozicionohet në pozitë të dytë me 27 pikë dy më pak se Ballkani në pozitën e parë.

Në javën e 14-të, Gjilani ballafaqohet me Vushtrinë në Vushtrri./rajonipress/