Gjilani mposht në javën e fundit Trepçën

Gjilan – Futbollistët e Gjilanit, me sukses kanë përmbyllur edicionin e garave të Vala Superligës së Kosovës në futboll, duke u renditur në mesin e “artë” të tabelës së klasifikimit.

Gjilanasit në ndeshjen e fundit në stadiumin Riza Lushta në Mitrovicë, kanë mposhtur Trepçën me rezultat 5-3.
Njëherit kjo ishte ndeshja e fundit për “Minatorët” e Trepçës, pasi në edicionin ardhshëm të garave skuadra e Trepçës do të garon në Ligën e Parë të futbollit të Kosovës.

Futbollistët e Gjilanit në këtë ballafaqim nuk i priu trajneri, Arbnor Morina, pasi para sa ditësh ka bërë një intervenim kirurgjik.

Futbollistët e Trepçës në pjesën e parë kanë arritur të udhëheqin me rezultat 2-1, ndërsa në pjesën e dytë Gjilanasit u mobilizuan duke e mposhtur me rezultat përfundimtar 5-3./rajonipress/