Gjilani me trajnime intensive për projektet e Komisionit Evropian

Gjilan – Në Komunën e Gjilanit gjatë kësaj jave janë duke u mbajtur trajnimet intensive për kthimin në investime në fushën e agro-kulturës dhe agro-biznesit për të rinjët e Regjionit të Lindjes, në kuadër të projektit “Të rinjtë në Agro-biznes Regjioni Ekonomik Lindor”, ku janë duke marrë pjesë një numër i konsiderueshëm i të rinjve.

Ermelinda Haziri, menaxhere e projektit, “Të rinjtë në Agro-biznes të Regjionit Ekonomik Lindor” , ka njoftuar se trajnimi i të rinjëve të këtij regjioni do të jetë i hapur për të gjithë ata që janë të interesuar të aplikojnë.

“Ky program ka për qëllim që të trajnoj të rinjtë për kthimet e investimeve të tyre në agrobiznis dhe përkrahjen e të rinjëve që dëshirojnë të merren me agro-kulturë dhe agro-biznes”, ka thënë menaxherja Haziri.

Ky projekt financohet nga Bashkimi Evropian dhe menaxhohet nga Zyra e Bashkimit Evropian në Kosovë të zbatuara nga Komuna e Gjilanit në bashkëpunim edhe me komunat e regjionit të Lindjes./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).