Gjilani me mund të madh arrin tek fitorja

Futbollistët e Gjilanit në javën e IX-të, me mund të madh ka shënuar fitore ndaj skuadrës së fundit në tabelë Dukagjini me rezultat minimal 1-0.

Gjilanasit gjatë 90 minutave kishin më tepër nga loja, por nuk arritën të shënojnë më tepër se një gol në portën mysafire të Flamur Nezirit.

Në minutën e 8-të, Oltion Rrapa lëndohet rënd dhe në vend të tij inkuadrohet futbollisti i vetëm nga Gjilani, Ylber Kastrati.

Në minutën e 14-të, Bedri Greca gjuan furishëm por golin ja mohon Neziri i Dukagjinit.

Të gjithë menduan se pjesë e parë do të përfundon me rezultat të bardhë në minutën e 45-të, Tomisllav Busiq me qetësi arrin ta dërgon topin në rrjetën kundërshtare për rezultatin 1-0.

Pjesa e dytë ishte monotone pa raste shënimi, ndërsa në minutën e 85-të, Progni nga goditja e lirë godet horizontalen mysafire.

Për “bardhë e kuqët” e Gjilanit këto tri pikë janë mjaft të vlefshme duke u renditur në tabelë në pozitën e tretë me 18 aq sa ka edhe rivali i saj Drita në pozitën e dytë.

Në javën e X-të, futbollistët e Gjilanit do të ballafaqohen me skuadrën e Feronikelit në Drenas./rajonipress/

Shpërndaje.
© RAJONIPRESS