Gjilani me meritë shënon fitore në qytetin e Minatorëve

Gjilan – Skuadra e Gjilanit në javën e 5-të në Superligën e Kosovës në futboll, me plot meritë ka arritur ta mposht kampionin aktual Trepçën 89 me rezultat 2-1.

Futbollistët e Gjilanit në pjesën e dytë të ndeshjes treguan futboll cilësor duke treguar se në këtë edicion të garave, “bardh e kuqët” e Gjilanit do të jenë një skuadër mjaft e fort.

Vendasit golin e epërsisë e arritën në minutën e 39-të, kur kapiteni Shpëtim Idrizi me gjuajtje të saktë mposht “gardianin” e Gjilanit, Kaciun.

Me të filluar pjesa e dytë qendërmbrojtësi, Ylber Kastrati në minutën e 50-të, shënon eurogol për të barazuar rezultatin 1-1.

Dhjet minuta më vonë shumë lehtë kanë mundur të shënojnë Gjilanasit, nëpërmjet Haxhimusës, por portieri Hajdini mbron.

Jashari në minutën e 69-të, gjuan furishëm por edhe më bukur shpëton portën e tij, Kaciu.
12 minuta para përfundimit të ndeshjes mbrojtësi i djathtë i Gjilanit, Armend Thaqi shënon gol të bukur duke i siguruar skuadrës së tij tri pik të vlefshëm për pozitat ece para në tabelën e klasifikimit.

Në stadiumin “Riza Lushta” para 1500 shikuesve u tregua futboll cilësor ./rajonipress/