Gjilani me lojë të dobët importon një pikë nga Skenderaji

Futbollistët e Gjilanit në udhëtim në Skenderaj në ballafaqim me Drenicën në stadiumin “Bajram Aliu”, nuk kanë arritur të importon më tepër se një pikë.

“Bardhekuqët” e Gjilanit gjatë 90 minutave topin e kishin më tepër në posedim, por gjatë tërë ndeshjes munguan gjuajtjet drejt portës së portierit vendas Arion Ymerit.

Gjithçka ishte e baraspeshuar gjerë në minutën e 34-të, kur Morina ndal një top me dorë në zonë të rreptësisë gjyqtari Dardan Qaka akordon penalti por pas konsultimit me gjyqtarin e katërt Alban Shala, Qaka anulon vendimin e tij.

Rast të mirë në pjesën e parë, kishte edhe Kurtaj nga një pozitë ideale gjuan por pret Ymeri i Drenicës.

Rastin më të mirë të ndeshjes e kishte Shend Kelmendi ku nga një pozitë ideale dështon për ta mposhtur portierin Ymerin pasi gjuajtja e tij përfundon jashtë vijës fundore.

Pas ndeshjes trajneri i Gjilanit, Gentjan Mezani, ka deklaruar.
“Duhet të përmirësohemi, nuk mjafton vetëm të posedojmë topin në ndeshje atë duhet finalizuar dhe ne këtë nuk po arrijmë ta bëjmë, duhet të jemi më produktiv dhe më të rrezikshëm para portës kundërshtare, ne kemi edhe disa futbollist të lënduar shpresoj të na rikthehen
sa më shpejt ndërsa Drenica sot u paraqit mjaft mirë”.

Nga katër ndeshjet e zhvilluara Gjilani ka arritur ti tubon 5 pikë.

Në javën e pestë Gjilani është nikoqir i skuadrës debutuese Arbëria./rajonipress/