Gjilani mbetet pa pjesën më të bukur dhe estetike

Gjilan – Qendra e qytetit po shkatërrohet e demolohet me eskavator e teknikë të rëndë, duke prerë drunj dekorativ, drunj disavjeçar. Parku që është edhe zemra e qytetit po vdes me bekimin e pushtetit komunal.

Gjilani e ka një soliter 12 katësh që mund të krenohet dhe e ka parkun në qendër të qytetit që gjithashtu mund të krenohet se ka mushkëri për ajrosje, pushim e rekreacion.

Ditëve të fundit komuna ka nisur një projekt për ta ndërtuar korsin edhe përmes qendrës së qytetit. Në këtë rrëmujë po shkatërrohen e dëmtohen drunj dekorativ, drunj disa vjeçar dhe hapësira gjelbëruese që qendrës së Gjilanit i kanë dhënë pamje evropiane.

Rajonipress i ka pyetur edhe Arbër Ismajlin edhe Bekim Bajramin se kush qëndron prapa kësaj ideje, asnjëri nuk kanë dhënë detaje e as përgjigje./rajonipress/