Gjilani marshon kundër Jabllanoviqit dhe mbrojtjes së Trepçës

Gjilan – Edhe Gjilani do t’i bashkohet sot marsheve të fundit që po organizohen kundër deklaratave të ministrit për Komunitete dhe Kthim Aleksandër Jabllanoviq, dhe mbrojtjes së ndërmarrjes Trepça.

Kështu thuhet në njoftimin e Lëvizjes Vetëvendosjes në Gjilan, e cila thotë se do ta përkrah protestën e kësaj të premte.

Në njoftim thuhet se ky marsh protestues nis në ora 13:00, nga Universiteti “Kadri Zeka”.

“Ky marsh organizohet nga studentët e Universitetit Publik ‘Kadri Zeka’ dhe organizatat e dala nga lufta, dhe përkrahet nga Qendra e Vetëvendosjes në Gjilan”, thuhet në njoftimin e Vetëvendosjes./rajonipress/