Gjilani largon deponinë e egër në lagjen Bojana

Gjilan – Komuna e Gjilanit, në kuadër të ruajtjes së hapësirës publike, ka hequr një deponinë të egër në lagjen Bojana.

Nënkryetari Arbër Ismajli, i cili ka qenë në terren, ka thënë se do të vazhdojnë ta pastrojnë qytetin nga të gjitha deponitë e egra.

“Jam i bindur që nuk janë hudhur nga banorët e kësaj lagje. Apeloj që të ketë kujdes dhe të mos hidhen mbeturinat kudo. Kjo që po shohim në qendër të qyteti, është e pafalshme. Për gjashtë muajt e ardhshëm ne e kemi shpallur aksion të pastrimit të qytetit”, ka thënë Ismajli./rajonipress/