Gjilani kur nuk shënon e pëson

Gjilan – Futbollistët e Gjilanit kanë zhvilluar ndeshjen e javës së 19 të Vala Superligës së Kosovës në futboll me Llapin në Podujevë.

Futbollistët e Gjilanit në stadiumin “Zahir Pajaziti” në 45 minutat e parë të këtij ballafaqimi, kanë mundur shumë lehtë të kalojnë në epërsi.

Rastin më ideal e pati Leutrim Bekteshi në minutën e 42 i vetmuar me kokë gjuan nga afërsia jashtë portës së portierit Avdyli.

Rast të mirë patë edhe Egzon Shabani në minutën e 39, kur nga distanca gjuan por Avdyli me mbrojtje të mirë shpëton portën e tij.

Mysafirët rastin më të mirë e patën në minutën e 34, kur Mirlind Daku gjuan mjaft mirë por portieri i Gjilanit Donat Kaqiu intervenon duke shpëtuar gol të sigurt.

Daku i vendësve pati rast të mirë edhe në minutën e 67 kur me kokë nga 7 metra gjuan jashtë portës.

Rastin më ideal të ndeshjes e patë Vllaznim Jashari në minutën e 84, i cili i vetmuar gjuan nga 19-të metra në portën e zbrazët por topi nuk gjen portën e Llapit.

Një minutë më vonë rezervisti Florim Bërbatovci, nga tollovia e krijuar më së miri e shfrytëzon hutin e mbrojtjes së Gjilanit i cili nga 6 metra gjen portën e Gjilanit duke sjell skuadrën e tij në epërsi.

Pas ndeshjes trajneri i Gjilanit Arbnor Morina deklaroi.: “Llapit i dëshiroj suksese po luan mirë, por referimi është skandaloz nuk e meritojnë këta djem që derdhin djers që këta gjyqtar të referojnë kjo është një marri e madhe”.

Javën e 20-të futbollistët e Gjilanit do të jenë nikoqirë të Lirisë së Prizrenit./sylejman ismajli/rajonipress/