Gjilani koritet në “Riza Lushta” në Mitrovicë

Skuadra e cila synon Evropën në këtë kampionat Gjilani, ka pësuar debakël ndaj Trepqës’89 me rezultat 4-1.

Vendasit arritën që në minutën e 22-të, të kalojnë në epërsi në mënyrë mjeshtërore Muja parabolon Ruqin e Gjilanit, duke bërë me dije se pikët do të mbeten në Mitrovicë.

Gjysmë rasti tek Gjilanasit kishte në minutën e 35-të, Bushiq por portieri Beqiri i vendësve ishte i vëmendshëm.

Vendësit arrin një minutë para se të përfundon pjesa e parë të dyfishon rezultatin, pas aksionit të Rusit dhe Ardian Mujës ky i fundit nuk e lenë të rastit duke shënuar nga 13 metra për rezultatin 2-0.

Në minutën e 60-të, kapiteni Kastrati shkakton penalti e këtë rast e konverton në gol Arbër Manaj duke ja shuar të gjitha shpresat Gjilanasve.

Pesë minuta më vonë në atë 65-të, Gëzim Rusi pengohet në zonë të rreptësisë e nga penaltia i pa gabuar ishte Leart Emini për rezultatin 4-0.

Golin e nderit për Gjilanasit e shënon nga penaltia, Tomisllav Bushiq, pasi më herët ishte penguar Gerhard Progni, njëherit duke qenë edhe rezultati përfundimtar i kësaj ndeshje mjaft befasuese me lojën që treguan “bardh e kuqët” e Gjilanit.

Trajneri i Gjilanit Gentian Mezani pas ndeshjes ka deklaruar
“Fillimin e kampionatit e filluam mjaft keq duke pësuar humbje të vështirë, futbollistët duhet kuptuar se futbolli në Kosovë është mjaft i fort, shpresoj se do të rikthehemi në realitet dhe të vazhdojmë me këmbë në tokë”.
Në javën e dytë futbollistët e Gjilanit do të takohen me Ferizaj në Ferizaj./rajonipress/