Gjilani i thellon krizën Arbërisë

Skuadra e Arbërisë e cila ndeshjet si vendas i zhvillon në Podujevë, është mposhtur me rezultat 3:4 nga skuadra e Gjilanit.

Serinë e golave të kësaj ndeshje e hapi, mesfushori i Gjilanit, Besar Musolli, në minutën e 5 i cili shënoi nga afërsia për rezultatin 0:1.

Në minutën e 8, pasi Frank Veliu ndal brenda zonës, Arbër Pirën, dhe gjyqtari Tefik Maloku akordoj penallti për vendësit, kurse nga pika e bardhë i pagabuar ishte Santos për të barazuar rezultatin në 1:1.

Vendësit kalojnë në epërsi në 2:1, në minutën e 20, golashënues ishte Almir Kryeziu.

Futbollisti më i mirë i skuadrës së Gjilanit, Gerhard Progni, në minutën e 38 nga goditja e dënimit realizon super gol duke barazuar rezultatin në 2:2.

Në minutën e 52, Kreshnik Bahtiri, realizon me kokë për ta rikthyer epërsinë në 3:2.

Futbollistet e Gjilanit arrijnë të barazojnë rezultatin përsëri në minutën e 86, pasi nga afërsia shënon Progni.

Në minutën e 89, Shend Kelmendi, pasi kalon portierin Kaqiu realizon për rezultatin 3:4, duke i siguruar 3 pikë skuadrës së tij.

Gjilani me këtë fitore mbetet në vendin e 4 me 47 pikë, ndërsa ndeshjen e radhës e zhvillon kundër rivalit lokal Dritës./rajonipress/