Gjilani i rikthehet prapë Mavrovës

Futbollistët e Gjilanit fazën e parë ishin në Mavrovë të Maqedonisë Veriore për tu kalitur për sfidat e reja të cilat e presin në Superligën e Kosovës. Pas një jave ushtrime në vendlindje, që nesër ekspedita “bardh e kuq” e Gjilanit sërish niset për qytetin e Mavrovës për të zhvilluar fazën e dytë të përgatitjeve.

Futbollistët e trajnerit nga Shqipëria, Gentjan Mezanit, gjatë kësaj periudhe kanë paraparë edhe ndeshje miqësore me skuadrën e Renovës nga Tetova por në qoftëse u jepet mundësia do të zhvillojnë edhe ndeshje tjera.

Krerët e skuadrës së Gjilanit në këtë kampionat kanë synim kreun e tabelës me përforcimet e bëra, ndërsa një gjë e tillë mbetet të shihet në të ardhmen./rajonipress/