Gjilani i hendikepuar nuk arrin më tepër se një pikë

Gjilan – Skuadra e Gjilanit ne javën e 11 të Superligës së Kosovës në stadiumin e qytetit në Gjilan, e ka zhvilluar ndeshjen në cilësinë e mysafirit duke u ballafaquar me Vllaznin e Pozheranit duke i ndarë pikët me rezultat të bardh 0-0.

“Bardh e kuqët” e Gjilanit pa gjysmën e skuadrës, nuk arriti më tepër se një pik ndaj Vllaznisë, e cila sot u paraqit si një skuadër e fort gjatë 90 minutave.
Edhe vet trajneri i Gjilanit, Arbnor Morina, nuk ishte i kënaqur me paraqitjen e futbollistëve të tij në fushë.
“Gjatë tërë kohës patëm iniciativë në fushë, por aksionet mbetën në gjysmë, po vërehet mungesa e futbollistëve të lënduar po e shtyjmë aq sa po mundemi duke e ditur situatën e mungesës së futbollistëve, por rezultati kësaj ndeshje është real”.

Futbollistët e Gjilanit kanë mundur shumë lehtë të arrijnë në epërsi qysh në minutën e 2-të, kur mbrojtësi Fisnik Papuqi nga goditja e lirë nga 30 metra gjuan furishëm, por portieri Jasir Bajrami me mbrojtje bravuroze shpëton portën e tij.

Në pjesën e dytë Gjilani pati lojë edhe më konfuze, duke mos krijuar asnjë rast shënimi ndërsa mysafirët me kundërsulme kërkonin golin e fitores.

Në minutën e 71 Shkumbin Salihu gjuan me kokë nga 7 metra por Donat Kaciu shpëton gol të sigurt.

Salihu ka mundur të vulos fatin e kësaj ndeshje ne minutën e 86 i cili gjuan nga 8 metra por Kaciu edhe njëherë nuk lejon ti tundet rrjeta e tij.

Trajneri i Vllaznisë së Pozheranit Bylbuyl Sokoli i cili ka marr drejtimin e Vllaznisë par një jave deklaroi.
“Ishte një ndeshje shumë e vështirë ndaj një Gjilani të fort, humbëm pikë të rëndësishme futbollistët dhanë maksimumin, por theksoj se
pas këtij barazimi Vllazninë e presin ditë të vështira për mbijetesë”.

Në ndeshjen e javës së 12 Gjilani takohet me Besën në Pejë./rajonipress/