Gjilani hyn në krizë të thellë

Llapi pas gjashtë javësh ka arritur ti gëzohet fitores dhe atë në Gjilan, duke e mposhtur Gjilanin me rezultat 0-1, duke e dërguar skuadrën “bardhekuq” në krizë të lojës dhe rezultatit.

Gjilani nuk arriti të këndellet nga humbja ndaj rivalit lokal në mesjavë. Edhe sot Gjilani tregoj lojë të dobët, pa raste shënimi, duke paralajmëruar se në taborin e tyre nuk janë duke ecur punët mirë.

Goli vendimtar i ndeshjes i cili kishte vlerë tri pikësh u shënua në minutën e 81.

Festim Alidema nga krahu bukur gjenë në zonë Kushtrim Shabanin i cili me gjuajtje precize gjenë këndin e poshtëm të Koliqit.

Trajneri i Gjilanit, Zekirja Ramadani pas 90 minutave të ndeshjes është deklaruar. “Jam i bindur që futbollistët kanë dhënë maksimumin edhe pse maksimumi nuk ishte në nivelin e duhur, mendoj se lojtarët ishin të lodhur, por kemi mundësinë dhe forcën për tu rikthyer”.

Gjilani nga pas tetë javësh ka tubuar 14 pikë.