Gjilani gjenë fitoren tek Ulpiana e cila është përshëndetur nga Superliga

Futbollistët e Gjilanit pas krizës që e ka kapluar këtë skuadër, më në fund ka gjetur fitoren e rehabilitimit, duke e mposhtur si udhëtuese Ulpianën e cila tani me dy këmbët gjendet në Ligën e Parë të futbollit të Kosovës.

Sulmuesi e kapiteni, Gerhard Progni ishte akteri më i mirë i kësaj ndeshje duke shënuar tre gola në portën e portierit Ajeti.

Serinë e golave e hapi Gerhard Progni në minutën e 36-të, së pari Cale pason gjerë te Progni i cili me gjuajtje të saktë shënon 0-1.

Një minutë para përfundimit të pjesës së pare, Blerim Krasniqi edhe pse ka mundur të shënon vetë këtë nuk e bën ia pason topin Prognit duke shënuar golin e dytë në këtë ndeshje 0-2.

Në minutën e 66-të, Dabiqaj shërben bukur Blerim Krasniqin i cili ngritë pa vështirësi rezultatin në 0-3.

Gerhard Progni për të kompletuar hat-trickun e tij në këtë përballje u kujdes në minutën e 73-të, duke e detyruar portierin Ajeti ta nxjerr topin për herë të katër nga rrjeta e tij.

Gerhard Progni nga 32 ndeshje të zhvilluara ka shënuar 21 gola. Në javën e 33-të, Gjilani zhvillon debinë e qytetit kundër Dritës.