Gjilani fiton për të marrë kreun

Në javën e 14-të, skuadra e Gjilanit ka shënuar fitore në ballafaqim me Vushtrrinë me rezultat 3-1, duke e kryesuar tani tabelën në Superligë.

Në stadiumin “Ferki Aliu” në Vushtrri, “bardhëkuqet” treguan forcën e saj prej liderit në futbollin e Kosovës, duke paralajmëruar se janë kandidat potencial për titull të kampionit.

Ndeshja filloi furishëm nga ana e vendësve, Jasmin Bashota në minutën e 3 e të 6-të, në dy rastet e tij gjuan jashtë portës së Haxhihamzës.

Në minutën e 15-të, hendikep i madh për Gjilanin pasi Erlis Frashëri zgjat muskulin e këmbës dhe braktis ndeshjen.

Gjilani arrinë që të shënoj në minutën e 18-të, Progni harkon bukur e më kokë shënon Rezak Keita për 1-0.

Ajo çka i ndodhi Frashërit në minutën e 35-të i ndodh edhe Keita Aziz, i cili kishte zgjatje të muskujve të këmbës.

Ndeshja e sotme për futbollistët e Gjilanit ishte e kobshme pasi që edhe futbollisti kroat Tomisllav Busiq në minutën e 40-të, kishte zgjatje të muskujve dhe detyrohet ta braktisë fushën.

Në minutën e 44-të, Gjilani arrinë që të dyfishon epërsinë pasi Halili shfrytëzon një pakujdesi të portierit Petrit Tahirit dhe realizon
për 2-0.

Në minutën e 50-të, portieri Haxhihamza lëndohet por trajneri Mezani kishte kryer zëvendësimet e imponuara dhe Haxhihamza vazhdon të qëndron në lojë i lënduar.

Në minutën e 60-të, nga tifozët vendas lëndohet arbitri i katër, Burim Jahmurati dhe Policia e Kosovës intervenon duke zbrazur pjesën qendrore të stadiumit.

Futbollistët e Gjilanit në minutën e 78-të, nëpërmjet Prognit arrijnë të shënojnë edhe golin e “nokautit” për 3-0.

Në minutën e 101 Raboshta arrinë të godet horizontalen e Hazhihamzës, në këtë minutë futbollisti i Gjilanit, Edison Kqiku ndëshkohet me karton të kuq.

Një minutë më vonë në atë të 102-të, Bashkim Shala shënon golin e nderit nga ndërprerja për 3-1.

Trajneri i Gjilanit, Gentjan Mezani, për herë të parë ka qenë i ashpër në ndarjen e drejtësisë.
“Kjo është e papranueshme nga 14 javë futbollistët e Gjilanit janë ndëshkuar plot 48 herë me karton të verdhë dhe 2 me të kuq, kjo nuk i bën mirë futbollit, ne kemi një president i cili po mban gjallë klubin dhe nuk mundet të tallet askush me skuadrën e Gjilanit, ne edhe më herët kemi pasur dëmtime të futbollistëve ndërsa sot na u lënduan tre futbollist dhe në vazhdim do të shohim gjendjen e tyre”.

Gjilani në javën e 15 do të jetë nikoqirë i Drenicës.

Me këtë fitore Gjilani dhe Ballkani ndajnë pozitën e parë me nga 30 pikë./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).