Gjilani fiton derbin e shumëpritur

Gjilan – Spektakli futbollistik i derbit të qytetit të Gjilanit, me plot meritë i ka takuar futbollistëve të Gjilanit të cilët arritën të mposhtin rivalin e përbetuar Dritën me rezultat 1-0.

Në një ambient të bukur futbollistikë të cilët kishin përgatitur tifozët “Skifterat” e “Intelektualët”, edhe njeher dëshmuan se qyteti i Gjilanit me të drejt është qytet i futbollit.

Në praninë e 8000 shikuesve, tifozët e dy klubeve e kanë kaluar provimin e tyre hiq më pak se me notën 10-të.

Në një ndeshje me rëndësi të madhe të javës së 7-të, futbollistët e Gjilanit gjatë 90 minutave u treguan skuadër më e organizuar se rivalët e tyre.

Në një ndeshje jo edhe aq atraktive “bardh e kuqët” e Gjilanit arrijnë të shënojnë në minutën e 44-të.

Pas një goditje nga 30 metra nga ana e djathtë, Ansi Nika harkon e më së miri gjendet me kokë Mauriso Perez i cili nga 7 metra e shtang portierin e Dritës, Edvan Bakajn.

Gjerë në fund të ndeshjes asnjëra skuadër nuk kanë realizuar ndonjë rast shënimi, kryesisht aksionet përfundonin para portave kundërshtare.

Trajneri i Gjilanit Sedat Pajaziti pasë ndeshjes ka deklaruar.
“E kemi ditur se do të jetë ndeshje e vështirë, në derbi asnjëherë nuk i dihet, jam i lumtur me këtë fitore dhe ngadalë po e marirm fizionominë e lojës për ndeshjet e ardhshme”.

Ndërsa homologu i tij nga Shqipëria, Shpëtim Duro ka theksuar.
“Më vjen keq për humbjen në këtë derbi, ishim diçka më të mirë në pjesën e parë por nuk arritëm të fitojmë, skuadra është në një krizë dhe shpresoj se shumë shpejt do të këndellemi”.

Në javën e ardhshme Gjilani në Prishtinë takohet me Flamurtarin, ndërsa Drita do të jetë nikoqir i Trepqës’89 nga Mitrovica./rajonipress/