Gjilani eliminohet nga DigitAlb Kupa e Kosovës

Skuadra e Gjilanit është eliminuar në 1/8 së finales të DigitAlb Kupës së Kosovës, pasi është mposhtur nga skuadra e Ballkanit me rezultat 3-0.

Skuadra e Ballkanit është bërë “mace e zezë” për skuadrën e Gjilanit, pasi që është hera e 3-të që skuadra nga Suhareka mposht “bardh e kuqët” e Gjilanit, pasi kishte mposhtur dy herë në garat kampionale, kësaj radhe ata mposhtën skuadrën e Gjilanit edhe në DigitAlb Kupën e Kosovës.

Që në minutat e parë të ndeshjes Ballkani ishte skuadër më e mirë se Gjilani, dhe përmes kësaj lojë të mirë Ballkani arriti që në minutën e 9′, të kalojnë në epërsi.
Pas një harkimi të mirë, Blend Baftiu gjuan bukur më kokë dhe kalon skuadrën e tijë në epërsi 1-0.

Loja e mirë e Ballkanit vazhdoj, dhe në minutën e 38′, Blend Baftiu pas një solo aksioni të bukur, shënon për rezultatin 2-0.

Në minutën e 43′, gjyqtari i ndeshjes Alban Shala, akordon penallti për skuadrën e Ballkanit, pas një prekje me dorë të lojtari të Gjilanit në zonën e 16 metërshit.
I pa gabuar nga pika e bardhë ishte Visar Berisha, duke realizuar për rezultatin 3-0.

Në pjesën e dytë, skuadra e Gjilanit tentoj që të sulmoj më tepër, por nuk arritën që të mposhtin gardianin e Ballkanit, Armend Ruxhin. /rajonipress/