Gjilani edhe në ndeshjen e tretë nuk arrin ta mposht Trepçën’89

Futbollistët e Gjilanit në javën e 23-të, nuk arritën më tepër se një pikë në ballafaqim me Trepcën’89 duke barazuar me rezultat 1-1.

Me këtë barazim skuadra e Gjilanit humb hapin edhe më shumë për titull të kampionit.
“Macja e zezë” e Gjilanit, Trepça 89, nga tri ndeshjet e zhvilluara në këtë kampionat, skuadra e Gjilanit ka arritur të fiton vetëm një pik pasi në dy ndeshjet e kaluara “minatorët” ishin më të mirë.

Loja e Gjilanit ishte tejet anemike pa raste shënimi.
Golin e epërsisë për “bardhëkuqet” e shënojnë në minutën e 40-të, nga pika e bardh ndërsa i saktë ishte Fiton Hajdari.

Në minutën e 50-të, Franc Veliu godet shtyllën e portierit mysafir Hysenit.

Pesë minuta më vonë mysafirët shënojnë golin e barazimit nëpërmjet Arb Manaj pas gabimit trashanik të portierit Haxhihamza dhe mbrojtjes së vendësve.

Pas ndeshjes trajneri i Trepces’89, Shpëtim Idrizi deklaroi.
“Në pjesën e parë luajtëm dobët, në të dytën u përmirësuam shumë ku patëm rastet edhe për ta fituar këtë ndeshje, por jam i kënaqur me një pikë në Gjilan, pasi po luftojmë për mbijetesë”.

Ndërsa, trajneri i Gjilanit, Gentjan Mezani, ka theksuar.
“Vështirë të luash futboll pas tre muajsh, i patëm rastet tona për shënim nuk shënuam dhe kundërshtari na dënoi, duhet të jemi të përqendruar për ndeshjet e radhës ndërsa po e theksoj se titullin e kemi objektivë”.

Në ndeshjen e javës së 24-të, Gjilani do të jetë mysafirë i Ferizaj./rajonipress/