Gjilani e Prishtina ndajnë pikët në “Fadil Vokrri”

Në javën e 33 -të në Superligën e Kosovës në futboll, në stadiumin “Fadil Vokrri”, Prishtina e Gjilani kanë ndarë pikët me rezultat të bardhë 0-0.

Në një ndeshje mjaft interesante, skuadra e Prishtinës kishte më shumë raste, por sot në portën e Gjilanit portieri Enea Koliqi ju mohoi golin futbollistëve të Prishtinës.

Me këtë pikë Gjilani edhe më shumë përforcohet në pozitën e tretë, pozitë që i mundëson në garat Evropiane.

Këto dy skuadra do të përballen edhe në finalen e madhe të Kupës së Kosovës.

Gjilani zë pozitën e tretë me 51 pikë, ndërsa Prishtina ka tubuar 44 pikë në pozitë të katërt. Në javën e ardhshme, Gjilan zhvillon derbin lokal kundër Dritës./rajonipress/