Gjilani e Ballkani ndahen në paqe

Gjilan – Në stadiumin e qytetit në Gjilan, Gjilani e Ballkani nga Suhareka në javën e 21 të Superligës së Kosovës në futboll, kanë ndarë pikët duke përfunduar ndeshjen me rezultat të barabartë 1-1.

45 minutat e parë të këtij ballafaqimi kryesisht u zhvilluan në mesfushë pa ndonjë aksion në të cilën mund të rrezikoheshin portat e Enea Koliqit dhe portierit mysafir Luljanoviq.

Gjatë kësaj periudhe të kësaj ndeshje nuk u pa lojë e bukur, por skuadra mysafire më tepër kishte në pronësi topin.

Në minutën e 76-të, Mevlan Zeka nga 30 metra nga goditja e dënimit e lenë të shtangur portierin Enea Koliqin së pari topi godet shtyllën pingule të majtë të tij e topi përplaset në rrjetën e Gjilanasve 0-1.

Dy minuta më vonë “bardhekuqët” e Gjilanit nëpërmjet Darko Nikaqit, pas tollovisë së krijuar mposht portierin Liljanoviq për të barazuar në 1-1.

Në minutën e 88-të, gjyqtari i kësaj ndeshje Dardan Qaka referon penalti për Ballkanin ku sipas tij futbollisti i Gjilanit Usein kishte prekur topin me dorë, por ndërron mendimin dhe anulon penaltinë që ishte me plot të drejt.

Me këtë barazim “bardhekuqët” e Gjilanit bëjnë edhe një hap mbrapa drejt daljes në Evropë.

Pas ndeshjes trajneri i Ballkanit, Blendi Shkëmbi, ka theksuar
“Unë jam i kënaqur me futbollistët e mi, treguan angazhim dhe dëshirë për ta fituar këtë ndeshje por fusha ishte shumë e vështirë për dy skuadrat, për arbitrat mos më pyetni mua por pyetni ata se ata e gjykojnë ndeshjen”.

Ndërsa trajneri i Gjilanit, Bylbyl Sokoli, edhe njëherë gjen arsyet e tij me dështimin e tij tek skuadra e Gjilanit.
“Në një ndeshje si kjo mundesh ta fitosh dhe ta humbësh, presionin e fitores e kishim ne dhe kjo ndikoi negativisht. Jam i kënaqur me angazhimin e futbollistëve, pash një skuadër që e dëshiron rezultatin elementet tjera do të vinë me kohë”.

Gjilani pozicionohet në pozitën e katërt me 31 pikë, ndërsa në javën e 22 është udhëtuese në Skenderaj ku ballafaqohet me Drenicën./rajonipress/