Gjilani do të luaj pa shikues

Komisioni disiplinor i Federatës se Futbollit të Kosovës ka marrë vendim që ndeshja mes Gjilanit dhe Hajvalisë, e paraparë të zhvillohet ditën e diel, do të luhet pa pranin e tifozëve.

Mësohet se Gjilani është dënuar për shkak të fyerjeve që tifozët kanë bërë në drejtim të personave zyrtar.

KF “GJILANI“ nga Gjilani në procedure të hapur disiplinore nga mbledhja e kaluar e komisionit, për lëshime në organizimin e ndeshjes së javës së VIII-te të VALA SUPERLIGES së Kosovës në futboll për kategorinë e seniorëve ; GJILANI – LLAPI e zhvilluar në stadiumin e qytetit ( raportet e zyrtarëve ; fyerje, kërcënime të disa personave të pa identifikuar në hyrje të zhveshtoreve drejtuar personave zyrtar te ndeshjes pas përfundimit të pjesëlojes së pare dhe përfundimit të takimit) si dhe mos marrja e masave për largimin e të njëjtëve nga ana e klubit nikoqir – organizatorit të ndeshjes;

DENOHET

Me zhvillimin e 1 (një ) ndeshje në fushën e vet pa praninë e shikueseve në bazë të Rregullores Disiplinore neni 50 paragrafi 1 pika 2.

Ndërkohë që edhe zyrtari i klubit kuq e bardh Albert Kastrati është dënuar me dy muaj mos ushtrim të detyrës për manifestim të sjelljeve josportive (fyerje dhe ofendime drejtuar gjyqtarit kryesor në po të njëjtën ndeshje.