Gjilani dhe Llapi ndajnë pikët

SC Gjilani ka barazuar me Llapi me rezultat 1:1, në ndeshjen e zhvilluar në Gjilan. “Skifterat” me këtë barazim kanë rënë në pozitën e 8-të, pozitë e cila dërgon klubin gjilanas në barazh.

Të parët në epërsi kaluan vendësit. Në minutën e 46-të, sulmuesi kryesor i Gjilanit, Senard Jaroviq, shënon për epërsinë 1:0.

Mysafirët nga Podujeva, arrijnë të barazojnë rezultatin në minutën e 55-të. Golashënuesi më i mire në këtë edicion në Superligën e Kosovës në futboll, Muhamed Hyseni, shënoj për 1:1, që në fund doli të jetë i fundit në këtë ndeshje.

Në javën e ardhshme, Gjilani do të takohet me Lirinë në Prizeren.