Gjilani dhe Lioni i Francës thellojnë bashkëpunimin
Gjilan – Nënshkrimi i marrëveshjes se bashkëpunimit në mes të Organizatës “Lobimi për Ligjin dhe Demokracisë” dhe “Association Franco Kosovars” nga Republika e Francës.
Shoqëria civile nga Gjilani dhe ajo e qytetit Lion të Francës kanë arritur të nënshkruajnë marrëveshje bashkëpunimi në shumë fusha të caktuara.
Një marrëveshje e tillë është nënshkruar në mes të organizatës “Lobimi për Ligjin dhe Demokracinë” nga Gjilani dhe asaj “Associations Franco Kosovars” nga Lioni i Francës.
Ndryshe nënshkrimi i marrëveshjes ka për qëllim bashkëpunimin në fushat e edukimit ligjor, edukimit universitar, shëndetit publik, zhvillimit ekonomik dhe fusha të tjera me interes shoqërorë.
“Association Franco Kosovars” në ceremoninë e marrëveshjes përfaqësohej nga Hakim Tata ndryshe administrator në qytetin e Lionit të Francës dhe Franck Bettulat, president i AFKRA-s, ndërsa Organizata “Lobimi për Ligjin dhe Demokracinë” përfaqësohej nga kryetari i saj Burim Haliti i shoqëruar nga Flamur Hyseni ligjërues universitar i së drejtës.
AFKRA dhe Organizata “Lobimi për Ligjin dhe Demokracinë” u zotuan se marrëveshjen do të fillojnë ta zbatojnë sa më parë dhe efektet e para të saj do të vërehen nga mesi i muajit shtator të këtij viti. /rajonipress/