Gjilani dhe Kllokoti mund ta bëjnë ndryshimin e madh

Gjilan – Gjilanasit pritet të votojnë të qetë dhe me vullnetin e mirë që ta nxjerrin një kandidat që ka kredibilitet për ta qeverisur Gjilanin, i cili për katër vite ishte i izoluar dhe pa investime. Kurse në Kllokot kandidati i vetëm shqiptar Arbër Emini, mund ta ndryshojë historinë nëse fiton përballë strukturave paralele serbe.

Qytetarët gjilanas me të drejtë vote, sot pritet të zgjedhin kryetarin e ardhshëm të tyre dhe Kuvendin Komunal.

Gjilani ka përjetuar momente krize në këto katër vite dhe tani u mbetet radha atyre, që ta bëjnë gjënë e duhur, duke votuar për kandidatin, që e ka në zemër dhe në shpirt jetën e rëndomtë të secilit qytetar dhe hallet e tyre.

Kurse në Kllokot gara është interesante sepse atje është vetëm një shqiptar, që garon përballë partive serbe që dirigjohen nga Radojqiqi e Serbia.

Kllokoti mund ta ndryshojë historinë, nëse për mandatin katër vjeçar zgjedhë një shqiptar./rajonipress/