Gjilani dhe Bafra e Turqisë shumë shpejt nënshkruajnë protokolin e bashkëpunimit

Gjilan – Komuna e Gjilanit dhe Komuna e Bafras së Turqisë shumë shpejt nënshkruajnë protokolin e bashkëpunimit.

Kështu janë dakorduar kryetari i Komunës së Gjilanit, Lutfi Haziri dhe kryetari i Komunës së Bafras, Zijni Shahin, gjatë vizitës së parë të këtij të fundit në Gjilan.

Kryetari Haziri, pasi ka falënderuar kryetarin e Bafras, theksoi se Gjilani është qytet që jeton në harmoni me komunitetin turk dhe të gjitha komunitetet tjera, ndërkaq ka theksuar edhe për bashkëpunimin e mirë që Komuna e ka me KFOR-in dhe “Tikën” turke.

Nga ana e tij, kryetari i Bafras, Zijni Shahin, i cili është me prejardhje shqiptare, e ka falënderuar kryetarin Haziri për pritjen, ndërsa ka shprehur gëzimin që këto dy komuna shumë shpejt pritet ta nënshkruajnë protokolin e bashkëpunimit./rajonipress/