Gjilani bëhet me muzeun e saj rajonal

Gjilan – Drejtoria për Rini, Kulturë dhe Sport e Komunës së Gjilanit ka iniciuar procedurën për themelimin e Muzeut Rajonal të Gjilanit duke paraqitur pranë Komitetit për Rini, Kulturë dhe Sport për shqyrtim dhe procedim të mëtejshëm këtë projekt propozim.

Komisioni komunal i themeluar nga kryetari i komunës në përbërje: Veton Nevzadi, Sherafedin Kadriu, Magbule Xhemaili, Faik Sahiti, Selvije Shefkiu dhe Enkelejda Arifi nën konsulencën shkencore të Prof. Dr. Fejaz Drançolli ka përshkruar në një dokument arsyetimin pse Regjionit të Gjilanit i duhet nje Muze Rajonal.

Veton Nevzadi, Drejtor për Rini, Kulturë dhe Sport se rëndësia e këtij projekti konsiston në krijimin e një adrese në Komunën e Gjilanit ku do të mund të paraqesim gjithë trashëgiminë kulturore të kësaj ane si dhe në edukimin kulturor të qytetarëve për trashëgiminë kulturore të qytetit të tyre.

Nevzadi i falënderoi të gjithë anëtarët e komisionit për punën e palodhshme në përpilimin e këtij propozim projekti.

Sipas këtij projekt propozimi, komisioni ka preferuar që objekti më i përshtatshëm për vendosjen e Muzeut Rajonal të Gjilanit do të ishte Shkolla e Muzikës, përderisa Qendra Rajonale për Trashëgimi Kulturore ka në dispozicion rreth 200 artifakteve të cilat do të mund të ekspozoheshin në këtë muze.

Organizimi i sektorëve do të jetë i përbërë nga sektori i arkeologjisë dhe arkitektonikes, sektori i etnografisë, sektori i arteve pamore dhe trashëgimisë dhe sektori i historisë në kuadër të së cilës do të funksionojë edhe aneksi për Luftën e UCK-së./rajonipress/