Gjilani arrin marrëveshje me “Hib Petrol” për ulje të çmimit të naftës për 5 për qind për fermerët

Gjilan – Drejtoria e Bujqësisë dhe kompania e derivateve “HIB Petroll” ka arritur sot marrëveshje bashkëpunimi me qëllimin që t’i mbështesin fermerët me 5 cent më lirë për litër se sa çmimi ditor për furnizimin e fermerëve me derivate të naftës.

Kryetari i Gjilanit, Lutfi Haziri, ka thënë se marrëveshja e re me “Hib Petrol” për uljen e pagesës për naftë, është në kuadër të pakos së premtuar për familjet bujqësore.

Ndërkaq, drejtori i Bujqësisë, Ramiz Ramadani, ka thënë se ndihet jashtëzakonisht mirë që pos subvencioneve të mëdha që ka shpërndarë Komuna, ky akt do të jetë mbështetje e madhe për fermerët e Gjilanit.

“Të gjithë fermerët që duan të përfitojnë nga zbritja e çmimit ditor të tregut, duhet të paraqesin numrin identifikues të fermerit (NIF), e që janë të regjistruar në Drejtorinë e Bujqësisë. Marrëveshja e arritur është e dedikuar vetëm për mjete bujqësore e që ka për qëllim punimin e tokave bujqësore”, ka thënë Ramadani.

Marrëveshja është e vlefshme për një vit nga data e nënshkrimit me të drejt vazhdimi./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).