Gjilani arrin fitore dhe shpreson Evropën

Futbollistët e Gjilanit kanë arritur fitore të rëndësishme në stadiumin “Rexhep Rexhepi” në Drenas, duke mposhtur Feronikelin me rezultat 0-2.

Me këtë fitore “bardhekuqët” e Gjilanit, kanë arritur të mbajnë shpresa për një vend i cili i dërgon në kupat evropiane.

Gjilanasit furishëm e nisën ndeshjen e sotme, Gerhard Progni në minutat 10 e 11 gjuan furishëm por mbi portën e portierit Deniz Troshupa.

Në këtë pjesë të ndeshjes në minutën e 18-të, Zeka gjuan me kokë por pranë pingulës së Shkëlzen Ruqit të Gjilanit.

Në minutën e 23-të, nga 18 metra Sebino Plaku gjuan furishëm godet portierin Troshupa të cilit i rrëshqet topi nga dora duke u përplasur në rrjetën e tij 0-1.

Në minutën e 52-të, Zeka gjuan nga ndërprerja por Ruqi ishte në vend.

Një minutë më vonë, Progni gjuan bukur por Troshupa me mund pret këtë gjuajtje.

Në minutën e 70 edhe njëherë gabon portieri i Feronikelit, Deniz Troshupa i cili degazhon gabimisht tek Muhamed Usein i cili nga 20 metra gjenë këndin e djathtë të vendësve duke vulosur fatin e kësaj ndeshje me 0-2.

Pas ndeshjes trajneri i Feronikelit, Afrim Toverlani theksoi.
“Kjo ishte ndeshja më e dobët e Feronikelit, portieri jonë gaboi në dy raste, skuadra e Gjilanit dëshmoi se është një skuadër e fort dhe me përvojë”.

Trajneri i “kuqebardhve” të Gjilanit, Gentjan Mezani, pas 90 minutave ka deklarua.
“Më vjen keq për pikët e humbura ndaj Trepcës’89 dhe Llapit, por ato janë të shkuara, i përgëzoj futbollistët për angazhim, tani na presin ndeshje më tepër se finalet, ne në këtë ndeshje bëmë disa ndryshime në formacion dhe rezultuan mjaft të qëlluara ndërsa në ndeshjen e radhës me Prishtinën do të japim më të mirën që posedojmë si skuadër”.

Në javën e 29-të, Gjilani do të jetë nikoqir i Prishtinës.

Nga 28 javë të zhvilluara Gjilani ka tubuar 55 pikë e cila pozicionohet në pozitën e katërt./rajonipress/