Gjilanasit i bastiset shtëpia, policia i konfiskon marihuanë

Gjilan – Drejtoria për Hetimin e Trafikimit të Narkotikeve njësitet që veprojnë në Gjilan, gjatë implementimit të Planit Operativ “Stop Drogave në Shkolla” në rrugën “Sadik Sadiku’, në Gjilan me 12 shkurtë 2018 aty rreth orës 17;30 kishin ndaluar të dyshuarin shqiptar, shtetas i Kosovës dhe gjatë kontrollit fizik tek i njëjti është gjetur një qese me substancë të dyshuar të llojit Marihuanë me peshe 0.5 gram.

Njësitet anti drogë kanë vazhduar me hetimin e rastit dhe pas grumbullimit të informatave dhe dëshmive shtesë sot me 28 shkurtë 2018 në bazë të urdhëresës së Gjykatës është bastisur shtëpia dhe objektet përcjellëse të personit të dyshuar E.Sh. (1995) me banim këtu në Gjilan dhe gjatë kontrollimit është gjetur dhe sekuestruar një qese e dyshuar si substancë narkotike Marihuan, dhe një telefon celular si provë materiale për gjykatë.

Pas kthimit në stacion Policor është bërë matja e substancës narkotike e cila ka peshuar 6.5 gram, në bazë të testit fushor. Lidhur me rastin është njoftuar Prokurori i shtetit i cili ka urdhëruar që i dyshuari të intervistohet dhe pas intervistës i njëjti është ndalur për 48 orë dhe lënda pas kompletimit i dërgohet Prokurorisë Themelore të Krimeve të Rënda në Gjilan për procedura të mëtutjeshme njoftoj Ismet Hashani./rajonipress/