Policia e Kosovës e ka pranuar një ankesë për një vjedhje nga një makineri e rëndë, këtu në Gjilan. I dyshuari kishte vjedhur instrument tabelën e një makine të rëndë “Bager” vlera e të cilës sipas ankuesit është e konsiderueshme.
Pasi ka kryer vjedhjen, i dyshuari instrument tabelën e vjedhur besohet se e ka dërguar në shtetin e Serbisë, ku afër zonës kufitare dyshohet se ia ka dorëzuar një
të dyshuari tjetër shqiptar shtetas i Kosovës, i cili po ashtu është në kërkim si i dyshuar për disa raste të ‘vjedhjeve’.
Në bazë të urdhëresave të lëshuara nga Gjykata, Policia e Kosovës, njësiti i hetimeve nga stacioni policor i Gjilanit ka realizuar bastisje në shtëpitë e të dyshuarve, ku i dyshuari i parë është arrestuar në shtëpinë e tij ku edhe janë gjetur dëshmi të qëndrueshme që lidhen me disa vepra penale të vjedhjeve.
Me vendim të prokurorit të shtetit i dyshimti është ndaluar në qendrën e mbajtjes për 48 orë, ndërsa i dyshuari i njohur për policinë është në kërkim. Rasti procedohet në PTH./rajonipress/
