Gjilanasi Sali Musliu krenar me Logon, u jep shpirt e zemër trimave të përfaqësueses së Kosovës

Gjilan – Më vjen mirë që Logo-n të cilën e punova unë do të përfaqësoj Federatën e Futbollit të Kosovës … veç Trimat tanë n’fushë mujnë’ me ja dhon’ shkëlqimin kësaj Logo-je, e neve na mbetet t’jemi me shpirt’ e zemër pran tyre ka shkruar Sali Musliu.

Piktori gjilanas, Sali Musliu, i lindur në Gjilan, në vitin 1966, është ai që e ka dizajnuar logon, e cila u përzgjodh nga FFK.

Ka pasur reagime për dhe kundër kësaj logoje, por shumica e atyre që e njohin Sali Musliun dhe punën e tij profesionale e artistike, nuk e kanë problem të japin nota dhe vlerësime pozitive. Thjesht Sali Musliu ka bërë një Logo shumë të pranueshme për publikun dhe përkushtimi i tij dhe qasja artistike i japin shkëlqim Llogos.

Së fundit edhe vet Sali Musliu ka bërë një koment ku thotë se ndihet krenar që ai e ka punuar Logon.

“Më vjen mirë që Logo-n të cilën e punova unë do të përfaqësoj Federatën e Futbollit të Kosovës … veç Trimat tanë n’fushë mujnë’ me ja dhon’ shkëlqimin kësaj Logo-je , e neve na mbetet t’jemi me shpirt’ e zemër pran tyre” ka shkruar Sali Musliu.

Ndryshe Sali Muslu ka diplomuar në vitin 2001 në Akademinë e Artit në Dusseldorf, tek artisti me reputacion botëror, prof. Konrad Klapheck.

Musliu është aktiv në skenën e artit dhe profesionalisht merret me pikturë në Frankfurt, ku vepron dhe jeton aktualisht – thuhet në një njoftim të FFK-së.

Gjatë vitit 2010 ka qenë profesor i artit në Kolegjin AAB në Prishtinë, derisa më herët ka menaxhuar me galerinë-ateleun e hapur në Prishtinë.

Piktori ka fituar shumë çmime si vendore, ashtu edhe ndërkombëtare, derisa në vitin 1999 nga Akademia e Arteve në Dusseldorf e pranoi titullin ‘Mjeshtër i Artit’.

Veprat e piktorit Sali Musliu gjenden të ekspozuara në institucione të ndryshme, muze të artit dhe shumë koleksione private në të gjithë botën./rajonipress/