Gjilanasi Përparim Muja me dashuri të madhe në shenjë të përkrahjes dhe ndërgjegjësimit për Sindromën Down, ka marrë pjesë në Maratonën e Atletikës 42km e cila është mbajtur në rrugët e kryeqytetit të Shqipërisë në Tiranë për të pestën herë me radhë.
Në këtë Maratonë përpos shtegut 42km ishin edhe maratona 21km e 10km. Muja i cili njihet për përkrahje të parazervë të shoqërisë kosovare në çdo aktivitet në të cilën organizohet për të mirën e shoqërisë, jep kontributin e tij duke u solidarizuar me te gjitha shtresat dhe aktiviteteve të cilat organizohen. “Ishte një maratonë shumë e madhe me shumë atletë rekreativë e profesional, qëllimi im ishte që të solidarizohem me kategorinë e personave të Sindromit Down, jam shumë i lumtur që isha pjesë e kësaj maratone ndërsa të gjithë njerëzve që janë të prekur me Sindromin Down kam një porosi të veçantë duke ju dëshiruar jetë të shëndetshme e të lumtur do të jem zë i fuqishëm për ju dhe jam shumë i lumtur që jam pjesë e shoqërisë suaj”, ka bërë të ditur Muja.
Muja edhe pse kishte një lëndim në gju për nder dhe respekt të këtyre personave kishte vrapuar i lënduar. Nuk ka dyshim se këtë vullnet të mirë siç e kishte Përparim Muja duhet ndjekur edhe shumë qytetarë, intelektual e sportist tjerë të Komunës së Gjilanit.
Siç ka bërë të ditur Muja shumë shpejt për dashamirët e atletikës e maratonistëve do të del me një projekt të ri për qytetarët e Gjilanit e Anamoravës./rajonipress/
