Gjiganti turk e dëshiron Muriqin, ofron mbrojtësin holandez për transferimin e tij
RajoniPress
22:52, 17 Dhjetor, 2021
Vedat Muriqi mund të rikthehet sërish në Turqi, por kësaj radhe te rivali i përbetuar i Fenerbahces, Galatasaray, shkruan Zeri.info.
Muriqi nuk ka arritur të bindë krerët e klubit të Lazios dhe largimi i tij duket i mundshëm.
“Fotomac” ka raportuar se Galatasaray ka shënjestruar reprezentuesin e Kosovës dhe synimi i tyre është transferimi i tij.
Mediumi turk gjithashtu shkruan se klubi turk është i gatshëm ti ofrojë Lazios mbrojtësin e krahut të majtë, Patrick Van Aanholt, i cili thuhet se pëlqehet nga drejtori sportiv i lacialëve, Igli Tare, që nga koha kur holandezi luante te Crystal Palace.
Ndryshe, Vedat Muriqi ka kontratë të vlefshme me Lazion deri më 30 qershor 2025.
Mbetet të shihet në vitin e ardhshëm se cila do të jetë e ardhmja e sulmuesit prizrenas. /Zeri.info
