Gjest i madh i Arbër Ismajlit, heq dorë nga emërtimi i rrugës së prindit Ruzhdi Ismajli

Gjilan – Në emër të familjes, Arbër Ismajli, djali i profesorit dhe sot nënkryetar i Komunës së Gjilanit, ka thënë se si familje janë falënderues për respektin e treguar ndaj figurës së Ruzhdi Ismajlit dhe familjes në përgjithësi, ndërsa ka treguar arsyen e këtij vendimi familjar. “Falënderoj komisionin për respektin që ka treguar ndaj neve si familje e në veçanti ndaj Babait, që ka vendos që njëra ndër rrugët e Gjilanit ta ketë emrin e tij, për shkak të pozitës politike ku gjendem dhe për shkak të profilit të tij, kemi vendosur që të heqim dorë nga emërtimi i rrugës dhe ta lirojmë për të tjerët ka thënë Arbër Ismajli.

Familja Ismajli ka hequr dorë nga emërimi i rrugës Ruzhdi Ismajli, duke ua liruar vendin të tjerëve. Këtë e ka bërë të ditur për rajonipress vet Arbër Ismajli.

Arbër Ismajli këtë reagim e ka bërë pasiqë Komisioni për emërimin e rrugëve në Komunën e Gjilanit ka dhënë propozim që njëra nga rrugët e qytetit të mbajë emrin e profesorit të dëshmuar gjilanas, Ruzhdi Ismajlit.

Ruzhdi Ismajli u nderua me këtë propozim nga komisioni me arsyetimin se kishte dhënë kontribut të pashoq në arsimimin dhe edukimin e gjeneratave të shumta në Gjilan, në periudha të ndryshme të vështira kohore.

Në emër të familjes, Arbër Ismajli, djali i profesorit dhe sot nënkryetar i Komunës së Gjilanit, kaq thënë se si familje janë falënderues për respektin e treguar ndaj figurës së Ruzhdi Ismajlit dhe familjes në përgjithësi, ndërsa ka treguar arsyen e këtij vendimi familjar.
“Falënderoj komision për respektin që ka treguar ndaj neve si familje e në veçanti ndaj Babait, që ka vendos që njëra ndër rrugët e Gjilanit ta ketë emrin e tij, për shkak të pozitës politike ku gjendem dhe për shkak të profilit të tij, kemi vendosur që të heqim dorë nga emërtimi i rrugës dhe ta lirojmë për të tjerët”, ka thënë Arbër Ismajli.

Ruzhdi Ismajli, më 4 prill të vitit 2005 u nda nga jeta, duke lënë zbraztesirë të madhe tek kolektivi i Shkollës e poashtu edhe tek nxënësit, që aq shumë i deshi dhe sakrifikoi për mirëqenien dhe perspektivën e tyre.

Kur të gjitha shkollat në Kosovë ishin mbyllur nga pushtuesi serb e nxënësit ishin të detyruar të mësonin në shtëpia private e nëpër podrume të ndryshme, profesori trim dhe largpamës Ruzhdi Ismajli hapi Shkollën e Mesme të Mjekësisë “Asllan Elezi”, i cili plot 5 vite rresht e udhëhoqi në mënyrë shembullore.

Profesor Ruzhdiu i cili kishte vizion të madh për çështjen kombëtare nuk ndalej në asnjë moment, ai me disa shokë të tij ishin nismëtarët e parë që formuan degën e LDK-së në Gjilan.

Ruzhdiu në asnjë moment nuk ndeji duarkryq, ai ishte i pa kompromis kur ishte çështja e arsimimit të popullit, profesori hap edhe paralelet në qytetin e Dardanës (Kamenicë) e Vitisë, për t’ju hapur shtigje të diturisë rinisë Kosovare.

Për këto aktivitete, profesori Ruzhdi shumë herë u thirr në biseda informative nga UDBA e pushtetit Serb, por ai asnjëherë nuk u tremb përkundrazi këto maltretime për të ishin edhe një inspirim edhe më i madh si në çështjen Kombëtare poashtu edhe puna për një jetë më të mirë për nxënësit e tij.

Profesori i Gjuhës Shqipe, Ruzhdi Ismajli, i cili la gjurmë të pashlyera që nga fëmijëria e tij ishte dashuruar në atdheun e tij dhe tek rinia Kosovare, për një gjë të tillë ai ishte inspiruar nga babai i tij, Shukri Ismajli, i cili ishte një atdhetar i devotshëm i kauzës Shqiptare dhe kjo gjë e kishte shtyer që të studionte Gjuhën Shqipe që gjeneratat e reja ti edukonte në frymën atdhetare.

Ruzhdiu që nga viti 1980 mori ditarin në dorë duke u betuar se me tërë qenien e tij do të jetë në shërbim të atdheut dhe nxënësve që aq shumë i deshti.

Profesori e Intelektuali i papërsëritshmi, Ruzhdi Ismajli, ishte trim përballë politikës së Serbisë dhe ai kishte një synim, arsimimin e brezave të rinjë, ai punoi me plot zell e përkushtim, ai u sakrifikua me tërë qenien për të mirën e popullit të tij, ai kishte idealin për drejtësi e liri, ishte i pa epur, ishte i pasionuar pas dijës së brezave të rinjë.

Edhe sot pas kaq vitesh profesor Ruzhdiu i mungon familjes që aq shumë e deshti, ishte baba shembullor, i dashur e i respektuar tek shoqëria e tij, ishte i sinqertë dhe një njeri me ndjeshmëri njerëzore e kombëtare, ai iku duke lënë zbrastira të mëdha në çdo segment të jetës kur më së shumti kishim nevojë për të./rajonipress/