Gjest human i qytetarit i cili pasi gjen një portofol e dorëzon në Policinë e Kosovës
Kllokot – Drejtoria Rajonale e Policisë Gjilan, Njësiti në komunitet i Policisë së Kosovës të Stacionit Policor Kllokot me 05.12.2022 rreth orës 17:15 ne Stacionin Policor Kllokot, kanë pritur personi Xh. R. nga një fshat i Komunës së Vitisë i cili sjell një portofol që e kishte gjetur afër marketit “Viva-Fresht” në Kllokot.
Ne portofol kishte një shumë parash ( 735 euro dhe 100 franga Zviceran ) si dhe (2)dy kartela bankare.
Policia e Kosovës kanë arrit që në bazë të kartelave bankare ta identifikojnë dhe thërrasin personin që e kishte humbur portofolin ( ai ishte duke qëndruar në Banjën e Kllokotit për rehabilitim ).
Në prezencë të policisë në stacionin policor në Kllokot, portofoli i gjetur i kthehet pronarit legjitim.
Personi që kishte humbur portofolin, ka falënderuar personin që kishte gjetur atë, njëherit ka falënderuar edhe Policinë e Kosovës për sjelljen e tyre korrekte./rajonipress/