Gjermania dëboi 71 veta në Kosovë, shumica familjarë

Shumica e madhe e të dëbuarve kanë qenë familjarë ndërsa 31 prej tyre, fëmijë deri në moshën 14 vjeçare. Po ashtu 31 nga të dëbuarit janë pjesëtarë të komunitetit rom të Kosovës.

Sot, më 9 nëntor, Qeveria e Landit gjerman Baden-Württemberg ka dëbuar në Kosovë një numër të konsiderueshëm të azilkërkuesve me status të refuzuar.

Kanë qenë gjithsej 71 persona të cilët në mëngjesin e sotëm janë riatdhesuar nga aeroporti “Baden Airpark” për në Aeroportin e Prishtinës, shkruan rdl.de.

Fillimisht qeveria kishte planifikuar të riatdhesonte 121 veta, transmeton albinfo.ch. Shumica e madhe e të dëbuarve kanë qenë familjarë ndërsa 31 prej tyre, fëmijë deri në moshën 14 vjeçare. Po ashtu 31 nga të dëbuarit janë pjesëtarë të komunitetit rom të Kosovës.

Raportohet se në mesin e atyre që sot janë riatdhesuar në Kosovë ka pasur edhe të sëmurë rëndë ndërsa 4 të tjerë janë dëbuar duke u transportuar direkt nga burgu.

Aksioni i radhës i dëbimit masiv në Baden-Württemberg do të bëhet më 14 nëntor. Kësaj here në drejtim të Serbisë dhe Maqedonisë.

http://www.albinfo.ch/gjermania-deboi-71-veta-ne-kosove-shumica-familjare/