Gjermani: Gjendet 20-vjeçarja shqiptare që ishte zhdukur që pesë ditë

Është gjetur Laura N, 20-vjeçarja, e cila ishte zhdukur nga dita e premte në Gjermani.

Sipas raportimit të mediumit të njohur gjerman RTL, një dëshmitare ka arritur ta identifikojë vajzën, e cila më pas kishte arritur në shtëpinë e saj.

Pak momente më pas policia ka arritur të konfirmojë gjetjen e Laurës.

Sipas organeve të rendit, 20-vjeçarja shqiptare është në gjendje të mirë shëndetësore.

Policia nuk dha detaje më shumë për rastin, pasi ende po vazhdon hetimet që çuan në zhdukjen e saj.

Ajo jeton në qytetin Freudenstadt dhe ishte parë për herë të fundit në stacionin e trenit në Offenburg.

Laura N, ishte takuar me një grup të panjohur.

Sipas raportimit të RTL, vajza shqiptare kishte dashur ta njoftonte familjen e saj për këtë takim, por telefoni i saj kishte mbetur pa bateri.

Moskontaktimi për një kohë ka ngjallur shqetësimin te familje se mund t’i kishte ndodhur diçka asaj.

Për gjetjen e saj u lajmërua edhe në rrjetin social Instagram, në faqen “Po e kërkojmë Laurën”, ku u falënderuan të gjithë ata që u aktivizuan në kërkimin e 20-vjeçares.

Gjermani: Gjendet 20-vjeçarja shqiptare që ishte zhdukur që pesë ditë

Shpërndaje.
© RAJONIPRESS