Gjërat ushqimore të cilat e reduktojnë dhimbjen

Nëse ndjeni dhimbje, provoni që menjëherë të mos përdorni tableta kundër dhimbjes.

Në vend të kësaj përdorini disa gjëra ushqimore, të cilat gjithashtu mund të ndihmojnë në largimin e dhimbjes, e të cilat shpesh i keni pranë vetes, transmeton gazeta Kosova Sot Online.

Specat

Specat kanë për dy herë më shumë vitaminë C sesa portokalli. Dihet që kjo vitaminë është njëra prej më përgjegjëseve kur bëhet fjalë për shëndet të kolagjenit, indit lidhës që ndihmon në fleksibilitet të nyjave. Specat e kuq gjithashtu përmbajnë edhe beta-kriptoksantin, materie kjo që vepron si analgjetik.

Patatet e ëmbla

Ngjyra e ndritshme e portokalltë vjen nga beta-karotina, që është antioksidues i fortë, roli i të cilit është lufta për mbrojtje nga radikalet e lira.

Xhenxhefili

Kjo rrënjë e shijshme përmban substanca kimike, të cilat veprojnë ngjashëm me mjetet kundër inflamacionit. Bëjeni një pije të ngrohtë duke i zhytur disa feta të xhenxhefilit në ujë të valë për pesë minuta. Sipas dëshirës, mund t’ia shtoni edhe një lugë të vogël me mjaltë, transmeton gazeta Kosova Sot Online.

Shafrani i Indisë

Studimet kanë zbuluar që kjo erëz, e cila përmban kurkuminë, që redukton fryrjen e lukthit, mundet të ndihmojë edhe në reduktim të dhimbjeve sepse e ul nivelin e substancave kimike që shkaktojnë inflamacione. Shafrani në formë pluhuri mund të shtohet në supa, mish të pulës dhe perime.

Salmoni

Falë sasisë së madhe të acideve yndyrore Omega-3, salmoni ndihmon në reduktim të inflamacioneve duke e parandaluar prodhimin e enzimave që dëmtojnë kërcin. Përzieni një konservë me salmon të egër me vaj ulliri dhe me uthull të kuqe. I shtoni spec të kuq dhe qepë të grirë imët.

(Kosova Sot)