Gjendja sociale rrezikon shtetin

Gjendja socio-ekonomike, shkalla e lartë e papunësisë dhe krijimi i një shkalle enorme të pabarazisë në vend, mund ta rrezikojnë Kosovën që të futet në mesin e shteteve të dështuara.

Në opinionet e tyre analistët tërheqin vërejtjen se edhe pas 14 vjet të çlirimit, prej tyre 6 pas pavarësisë, Kosova nuk arriti të ndërtojë një sistem të shëndoshë dhe kjo tani mund t’i kthehet si bumerang.

Analisti Shpend Kursani mendon se të gjitha trazirat që ndodhin, në thelb e kanë gjendjen e rëndë socio-ekonomike, sado që ato në sipërfaqe mund të duken si pakënaqësi, siç ishte rasti i fundit i protestave për gjendjen në Universitet apo pakënaqësitë e të drejtave etnike.

“Trazirat potenciale, mendoj se mund të priten, ngase në Kosovë gjendja ekonomike e shumicës së qytetarëve tashmë është shumë e rëndë përderisa pabarazia e njerëzve vetëm sa është rritur”, ka thënë Kursani…(Tribuna).