Gjendja nën kontroll, qytetarët vitias po respektojnë vendimin për mos dalje të panevojshme nga shtëpitë

Viti – Përkundër paraqitjes edhe të 4 rasteve të reja që sot janë konfirmuar në Stubëll të Vitisë, gjendja aktuale në komunën e Vitisë është nën kontroll. Kryetari i komunës Sokol Haliti ka mbajtur sot takim me anëtarët e komitetit komunal për menaxhim të situatës, me që rast janë ndarë përgjegjësit nëpër dikasteret e ndryshme komunale, ku është kërkuar nisja e procedurave për tenderimin e një kompanie për dezinfektim të objekteve publike, përfshirë shkollat, objektet fetare dhe institucionet tjera.

Poashtu, u kërkua që përmes këshillave të fshatrave të identifikohen familjet që kanë nevojë për ndihmë, ndërkohë që është kërkuar edhe shtimi i kapaciteteve në kujdestari në Qendrën Kryesore të Mjekësisë Familjare.

Në këtë takim të këshillit emergjent, u theksua nevoja e mbështetjes nga niveli qendror, për pajisje mbrojtëse si dhe për material të domosdoshëm higjienik.

Haliti, ka kërkuar një përkushtim më të madh të Qeverisë së Kosovës për komunën e Vitisë, ngase ka nevoje për mbështetje, kurse ka falënderuar qytetarët që po respektojnë vendimin për mos dalje nga shtëpitë, gjë që po i kontribuojnë në të mirë të situatës për të qenë nën kontroll.

Ndryshe, komuna e Vitisë sot ka hyrë në ditën e tretë që kur është hyrë në karantinë./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).