Gjendja e Rrahmanit dhe gjasat për t’u përfshirë në ndeshjet e marsit

Në konferencën për shtyp para ndeshjeve të muajit mars, Bernard Challandes ka thënë se nuk mund të llogaritë në shërbimet e Amir Rrahmanit për takimet ndaj Lituanisë dhe Suedisë.

“Në periudhë afatshkurtër është e pamundshme që Amiri të mund të paraqitet, dhe është e sigurt se ai nuk do të luajë nesër (e mërkurë, ndaj Lituanisë), por për ne ka qenë shumë e rëndësishme që Amiri të vijë këtu, të ketë terapi, të shohim situatën e tij”, është shprehur trajneri.

Ai ka thënë se gjatë gjithë kohës kanë pasur kontakte të mira me stafin mjekësor dhe i kanë marrë të gjitha informacionet lidhura me gjendjen aktuale të kapitenit.

“Ne i kemi bërë kontrollimet e duhura për të, ka pasur edhe negative kësaj radhe dhe tani do të shohim se si do të përparojë gjendja e tij”.

“Por, është e sigurt se nuk ka mundësi te luajë kundër Lituanisë, po ashtu mbase mund thuhet se s’do të ketë gjasa të luajë të dielën kundër Suedisë”, ka shtuar trajneri.

“Do ta shohim situatën nëse do të mund të luajë kundër Spanjës në ndeshjen e tretë, por më duhet të them se nuk kam shumë shpresa se do të jetë i gatshëm”, ka shtuar trajneri. /Telegrafi/