Gjatë 24 orëve ndalohen disa persona
Gjilan – Sipas Prokurorisë Themelore në Gjilan – Departamenti i Përgjithshëm, gjatë 24 orëve të fundit janë ndaluar dy persona për 48 orë, për shkak të dyshimit të veprës penale ‘”Legalizim i përmbajtjes së rremë”.
Departamenti i Përgjithshëm i Prokurorisë Themelore të Gjilanit, ka bërë kërkesë për caktimin e masës së paraburgimit, ndaj të dyshuarit F.A., për veprën penale “Legalizim i përmbajtjes së rremë”.
Po ashtu, Departamenti Përgjithshëm i kësaj prokurorie ka bërë kërkesë për caktimin e masës së paraburgimit, ndaj të dyshuarit F.L., për veprën penale “Legalizim i përmbajtjes së rremë”.
Në Departamentin e Krimeve të Rënda të Prokurorisë Themelore në Gjilan, janë ngritur 2 (dy) aktakuza, ndaj 2 (dy) personave, për shkak të veprave penale “Armëmbajtje pa leje”.
Po ashtu, në Departamentin e Përgjithshëm gjatë 24 orëve të fundit janë ngritur 3 (tri) aktakuza, ndaj 3 (tre) personave./rajonipress/