Gjashtë lojtarët që do të largohen nga Liverpooli, në mesin e tyre edhe Xherdan Shaqiri

Xherdan Shaqiri pritet të largohet nga Liverpooli gjatë afatit të verës.

Shaqiri zhvilloi tri paraqitje të mira me Zvicrën në para-kualifikimet për Kampionatin Botëror ‘Katari 2022’, shkruan IndeksOnline

Ai shënoi një gol në fitoren e Zvicrës 1 me 0 ndaj Lituanisë. Po ashtu 29-vjeçari mbajti shiritin e kapitenit në ndeshjen ndaj Finlandës.

Por, në Angli shtrohet pyetja se a do të qëndroj edhe për një sezon te ‘The Reds’? Kësaj pyetje i është përgjigjur gazeta e njohur ‘The Athletic’ – sipas tyre, Shaqiri është në listën e të larguarve nga Jurgen Klopp.

Anësori kosovar është në mesin e lojtarëve, si Divock Origi, Marko Grujic, Harry Wilson, Sheyi Ojo dhe Ben Woodburn që priten në verë të largohen nga ‘Anfield’.

Me 12 paraqitje gjatë këtij sezoni (2 asiste), Xherdan Shaqirit i ka rënë edhe çmimi në ‘Transfermarkt’. Ai tani kushton veç 14 milionë euro./IndeksOnline/