GIZ-i gjerman do të jetësojë projektin për përpilimin e hartës zonale në Kamenicë

Kamenicë – Shumë i lumtur që Kamenica është një nga komunat që ka plotësuar të gjitha kriteret dhe është përzgjedhur për jetësimin e projektit nga GIZ-i gjerman, për përpilimin e Hartës Zonale në komunën tonë ka thënë Qëndron Kastrati.

Në këtë projekt do të përfshihet:
Digjitalizimi, validimi, ruajtja sistematike dhe menaxhimi i të dhënave të planifikimit hapësinor dhe jo hapësinor, duke përdorur Sistemin Informativ Gjeografik, përpilimin e Hartës Zonale të Kamenicës, pjesëmarrja gjithëpërfshirëse e akterëve, menaxhim në procesin e vendimmarrjes duke u bazuar në prioritetet që dalin nga politikat e planifikimit hapësinor.

Ky projekt është jashtëzakonisht shumë i rëndësishëm sepse ofron një planifikim më të specifikuar urban dhe lehtëson zonimin e qytetit në raport me etazhitetin dhe destinimin e objekteve ka shkruar Qëndron Kastrati./rajonipress/