“Gillani nuk o si përpara”: Qytetarët ironizojnë me premtimet milionëshe të LVV-së: “Asnjë projekt nuk u realizua”

Gjilan – Një postim urimi për Vitin e Ri 2024, nga asamblisti i Lëvizja Vetëvendosje në Gjilan, Arbër Musliu, ka nxitur reagime dhe ironi të shumta nga qytetarët në rrjetet sociale.

Në postimin e tij, Musliu kishte renditur një sërë projektesh milionëshe për Gjilanin, duke përmendur autostradën, rrugën qarkore, bulevardin, stadiumin, sallën e sportit dhe projekte të tjera, të shoqëruara me shprehjen: “Gillani more vllazen nuk o si përpara”.

Por reagimet nuk kanë munguar. Qytetarë të shumtë kanë komentuar me ironi, duke thënë se shumica e projekteve të përmendura kanë mbetur vetëm në postime festive dhe premtime elektorale.

Një nga reagimet më të shpërndara ishte ai i qytetarit Sadullah Arifi, i cili shkroi: “Asnjë nga këto premtime për Gjilanin nuk është përmbushur! Asnjë i vetëm”.

Komentet ironike kanë vazhduar edhe më tej, ku qytetarët kanë pyetur se ku ndodhen “75 milionët e autostradës” apo “17 milionët e bulevardit”, derisa shumë nga projektet ende nuk kanë nisur ose kanë mbetur në faza paralajmërimi.

Postimi, që synonte urim festiv dhe promovim të investimeve, përfundoi duke hapur debat mbi realizimin e premtimeve publike dhe gjendjen reale të projekteve infrastrukturore në Gjilan.

Postimi i Arbër Musliut:
“Gillani more vllazen nuk o si përpara

75 Milionë – Autostrada…
26 Milionë – Rruga Qarkore…
17 Milionë – Bulevardi…
15 Milionë – Stadiumi…
2.4 Milionë – Rruga e Malishevës…
2.3 Milionë – Salla e Sportit…
1.2 Milionë – Kultë-Qendra…

Urime Viti i Ri 2024